يا الـساقي

يا الـساقي عمّر لي الـكاس، و خلـّيني نـنوم في هاذ الـبلاص
نهار ليوم فات ب همومهُ، جا الـليل و حبّيت نـنسى مسالهُ
خوّيت الـبال من كـُل بلانهُ، بقى الـقلب وحيد و سال دمايهُ
...

اهدرو

اهدرو يا خوتنا، اهدرو...
حتا يـخوا الـقيح و يـسيل الـدم...
،مل جروح لي طال عليها الـزمان و ما جا يـزورها طبيب
اهدرو باش تـبرا الـقلوب و تـولئي ل طريقها

طريق الـحياة و الـعمال الـرزينه
الـقلوب الـحيّه باينه، حتا يلا طاح كلامها
يـطول الـزمان و تـعاود تـصيب طريقها...ـ

جاو ني ريم و مريَم

جاو ني زوج بنات ف الـمنام،
ريم و مريَم كي الـحوريّات،
و آنا الـمهموم الـسّاهي ...
ريم شعرها كحل كي الـتوت و ة هدر ب الـمعاني،
قالت شي كلام لي بيه حيّرت ني...
جاوبَت ها مريَم ب الـعود لا كلام،
غير هوا رقيق و ي ناشد ...
و آنا ن تبّع ف الـلعب نسيت همومي،
غامرتْ ف الـغيس الـدّافي ...
بعد شي دقايق فطنتْ غير وحدي،
لا ريم لا مريَم معايا،
و لا فكار لا هموم ف راسي ...
متمعّن ف اللي كان بحُولي،
غريد الـمقنين و الـغدير الـجاري،
اللي من الـبديَة كانو ف جواري ...ـ

عييتْ، كرهتْ، ملّيتْ

آش بيك يا روحي ساهية ف الـسماى،
مين ذاتك في الـارض ما سامعا ش ليها؟
آش بيك يا بالي ات تمعّن معا الـهوى،
و هوا ْبدنك ما عاطي لوش قيمة؟
.....
تمنّيتْ لوكان جاو الـحباب ف الـدنية
ب طول ْالـعمر،عمرهم اي فناو

Abstrait - الـلّاشي

لشّي فكارك و دخّل ها ف هواى ْالـروح،
ف ذات ْالـنفس اللّي فيه ما اي ثقّل ها لا وجع و لا لذ
....

الـتجرة

ذ الـعيشة ما عندها دين ،غير دين الـمال، اي حق و اي حرّم ...
آنا ان تاجرْ، ذاك ليّا خير، مين ضيق الـحيوط، ما ان طيق ش ان صبر ...
ان بيع وان شري و ل خيري ان سهّل، و اللي بالي نام اُه، ما هوش موحال ...
شي اي دخل و شي اي خرج، و شحال ربحتْ ليوم، يادرا؟ ...
.............
صلّيتْ ل ربّي و دعيتْ مولاي، حانوت جاري اة قيس اُه نكبة ...
داري جديدة، خمسة ف الـعيْن، نهاري خدمة و ليلي تخمام ...
.............
نتا اللي فيّا ات خزر، برك شوف ليوم و اسمع ني مليح ...
طريق الـتجرة لا صناف اي فرّز، تودّرْ فيه اللي ما حصى اي فرّق ...
يلا ليوم نتا كيفي بغيت الـرباح، من ﭬلبك ان بدا ان ريّح ...
خوذ مال ذاك اللي آنا بعتْ اُه، ان شري اه عليك، راني محتاجهُ ...ـ

لاش ان سمح؟

ماشي على زين عينيك ولا على طيب قلبي
لا على سمح الـغلطة لي كلامك رد الـسبّة
دعيتْ ربّي اي نقّص من شرّي
و اي دير ني ان شد ف صبري
يلا ما هوّا، لى الـسماى و الـلرض عليك اة نقلب
و يلا حبل الـصبر ما كفى باش ان تهدّّن
ان قول آنا، ذيك الـغلطة، ليوم ربّي بغا ها اة نعدل